अश्लिल फिल्मका वेबसाइटको बजार

गुगलमा नेपालबाट धेरै खोजिने विषयमध्ये सेक्स पनि एक हो। नेपालजस्तो इन्टरनेटको पहुँच र स्पिड कम भएको देशमा त यस्तो हुन्छ भने विदेशमा, जहाँ इन्टरनेट फास्ट छ, त्यहाँको अवस्था के होला? इन्टरनेटमा पोर्न साइटको बजारका तथ्यहरू अचम्म लगाउने खालका छन्। 

इन्टरनेटको ३० प्रतिशतभन्दा बढी स्रोतसाधन पोर्न साइटमा खर्च हुने एउटा अनुमानित तथ्यांक छ। हुन पनि विश्वका सबैभन्दा बढी चलेका पाँच सय वेबसाइटको सूचि हेर्न हो भने त्यसमा दर्जनौँ पोर्न साइट नै हुन्छन्।

एक्सटि्रम टेकका अनुसार इन्टरनेटको सबैभन्दा ठूलो पोर्न साइट एक्सभिडियोज प्रतिमहिना चार अर्बभन्दा बढी पटक हेरिन्छ। यो संख्या सिएनएन र इएसपिएन हेरिनेभन्दा तीन गुणाले बढी हो। सेक्सच्याटका लागि प्रख्यात लाइभजस्मिन वा युट्युबको सिको गर्दै खोलिएको युपोर्न, ट्युबएट र पोर्नहब, यी सबको पनि हालत उही हो। फेसबुक र गुगलबाहेक अरू साइटले उनीहरूलाई उछिन्न गाह्रै पर्छ।कति कमाउँछन्? भिजिटरको संख्यासँगै यसको विज्ञापनको पाटो पनि महत्वपूर्ण हुन्छ। अनुमानअनुसार लोकप्रियताको दर हेर्दा यस्ता साइटले दिनमा ५० हजार अमेरिकी डलरभन्दा बढी कमाउन सक्ने क्षमता हुन्छ। पोर्नलाई छाडेर सफा साइटमा आउने हो भने यति कमाउन सक्ने साइटमा मान्छेले गुगल, फेसबुक, याहू र माइक्रोसफ्टमात्रै देख्नेछन्।

समय पनि धेरै बिताउँछन्
पोर्न साइटहरूको एउटा विशेषता यस्ता साइटमा बिताइने समय पनि हो। अरु साइटमा सामान्यता मानिसले तीनदेखि सात मिनेटमात्रै बिताए पनि पोर्न साइटमा भने १५ देखि २५ मिनेटसम्म बिताउने गर्छन्। जति धेरै समय बितायो, त्यति विज्ञापनबापत आउने पैसा पनि बढ्ने भएकाले यस्ता साइटका आम्दानी झन् बढ्ने गर्छ।



पोर्न साइटहरूले अहिले निःशुल्क भिडियो राख्न थालेका भए पनि परम्परागत साइटहरूमा विशेष भिडियो हेर्नका लागि क्रेडिट कार्डबाट पैसा तिर्नुपर्ने व्यवस्था गरिएको हुन्छ। भारत कै सबिताभाभी जस्ता पोर्नटुन साइटहरूले समेत क्रेडिट कार्डबाट पैसा तिरेपछि मात्र हेर्न पाइने बनाएका छन्। पोर्न साइटहरूको आम्दानी त्यस्ता साइटहरूमा राखिने पप अप (साइट हेर्दाहेर्दै अर्को पेज खुल्ने) विज्ञापनहरूबाट समेत हुने गर्छ। अझ केही साइटमा त तपार्इँका गोप्य जानकारी चोर्न सक्ने सफ्टवेयर आफै इन्स्टल हुने वा झुक्याएर इन्स्टल गर्ने तारतम्यसमेत मिलाइएको हुन्छ।

छोटो समयमा लोकप्रिय

यस्ता अधिकांश साइट नयाँ छन्। इन्टरनेटमा नयाँ-नयाँ पोर्न साइट जन्मने क्रम पनि बढ्दो छ। अहिले त पोर्न साइटका लागि छुट्टै डोमेन डट एक्सएक्सएक्स दिने कुरा पनि भइरहेको छ।
दोस्रो ठूलो पोर्न साइट युपोर्न जन्मेको छ वर्षमात्रै भयो। ट्युबएट त चार वर्षमात्रै भएको छ।
एक्सभिडियोजमा प्रति महिना २९ पेटाबाइट्स डाटा ट्रान्सफर हुने गर्छ। यो भन्नु प्रतिसेकेन्ड ५९ जिबी हो।
जब कि लन्डन र न्युयोर्कबीचको डाटा कनेक्टिभिटी साढे एक टिबीमात्रै हो। यसको नजिकमा आउने साइट त युट्युब र हुलुमात्रै हो। तर युपोर्न मात्रै हुलुभन्दा छ गुणा ठूलो छ।

• एक सेकेन्डमा पोर्नोग्राफीमा तीन हजार ७५ डलर खर्च भइरहेको हुन्छ • एक सेकेन्डमा २८ हजार दुई सय ५८ जनाले इन्टरनेटमा पोर्नोग्राफी हेरिरहेका हुन्छन् • एक सेकेन्डमा तीन सय ७२ जना इन्टरनेट युजरले सर्च इन्जिनमा वयस्क सामग्री खोजिरहेका हुन्छन्
• प्रत्येक ३९ मिनेटमा अमेरिकामा एउटा नयाँ पोर्नोग्राफिक भिडियो बनिरहेको हुन्छ

(स्रोतः फेमिलीसेफमिडिया/नागरिक )