‘एम्पायरले मसँग १५ पटक सेक्स गरे'-----

भारतीय मोडल लीना कपुरले पाकिस्तानका चर्चित अन्तर्राष्ट्रिय क्रिकेट अम्पायर असद रउफले आफूलाई विवाह गर्छु भनी झुक्याएर १५ पटक सेक्स गरेको आरोप लगाएकी छिन् । लीनाले असदका विरुद्ध शारीरिक उत्पीडन मामिलामा मुम्बई प्रहरीमा उजुरी दर्ता गरेकी छिन् ।

लीनाले अम्पाएर असदका साथ शारीरिक सम्बन्ध भएको भन्दै असदले विहे गर्छु भनेर आफूसँग पटक–पटक शारीरिक सम्बन्ध कायम गरेको आरोप लगाएकी हुन् । लीनाका अनुसार क्रिकेट खेलको सिलसिलामा उनीहरुबीच पटक–पटक शारीरिक सम्बन्ध भएको थियो ।

क्रिकेट खेलकै सिलसिलामा यिनीहरुबीच श्रीलंकामा चिनजान भएको थियो । त्यसपछि गएको आईपीएल क्रिकेटको समयमा दुईबीचको सम्बन्ध अझ प्रगाढ भएको आरोप लीनाले लगाएकी छिन् ।

अर्कोतर्फ पाकिस्तानी अम्पायर असद रउफले भने लीनाको आरोपलाई ठाडै अस्वीकार गरेका छन् । उनले यो सबै आरोप झुठो बताएका छन् । अम्पायर असदको पाकिस्तानमा एक श्रीमती र २ बच्चा भएको जनाइएको छ ।