के अब Blue फिल्म बनाउने ?

ऐस/पछिल्लो पटक नेपाली सिने जगत विवादित हुँदै गएको छ । विशेषगरी समाजमा भद्दा सुनिने र अश्लिल लाग्ने शब्दको प्रयोग गरिएको चलचित्र लुटले अनपेक्षित सफलता हासिल गरेपछि भल्गर फिल्म बन्ने क्रम बढेपछि कलिउड विवादित बनेको हो । पैसा लुट्ने योजना बनाएको लुटबाट सकारात्मक भन्दा नकारात्मक पाठ सिकेका निर्देशक निर्माताले पछिल्लोपटक यौनको विषयलाई जोडतोडले उठाइरहेका छन् । अनावश्यक अंग प्रदर्शन, अधरपान र अश्लिल हर्कत समेटिएका नेपाली फिल्म यसअघि पनि नबनेका होइनन् तर तिनले सीमा नाघेका थिएनन् । तर अहिले बग्रेल्ती रुपमा निर्माण भैरहेका सिनेमाले भने सामाजिक मान मर्यादाको हद पार गरिरहेका छन् । सिनेमा क्षेत्रभित्र यो विकृति र विसंगतिको पराकाष्टा हो । पछिल्ला चरणमा निर्माण भएका ‘चपली हाइट’, ‘द लास्ट किस’, ‘एटीएम’ र ‘किन किन’ जस्ता फिल्म यस्तै विकृतिका नमुना हुन् ।

विनीता बराल, राज घिमिरे र आमिर गौतमले अभिनय गरेको चलचित्र 

‘चपली हाइट’ नेपाली समाजमा पाच्य हुन खालको देखिदैँन । उक्त चलचित्रमा लेख्नै नमिल्ने किसिमका शब्द संवादमा राखिएको छ । सुटिङका अधिकांश समय तीनजना गाँजा, रक्सी, चुरोट खानमै व्यस्त रहेको देखिन्छ । चपली हाइटले एडल्ट सर्टिफिकेट पाएको थियो । उक्त सर्टिफिकेट पाएको चलचित्रले १६ वर्र्ष भन्दा मुनिका दर्शकले हेर्न पाउँदैन । तर अधिकांश हलमा ९ वर्र्ष देखिका बालबालिका समेत उपस्थिति रहेको देखिन्थ्यो । जसका कारण विराटनगरमा युथफोर्सले विरोध गर्दा झण्डै झडप भएको थियो । नेपाली फिल्म ‘लुट’ र 

‘चपली हाईट’ ले राखेका संवाद र दृश्यले चर्चा बटुलेपछि, नेपाली फिल्मको धार परिवर्तन भएको धेरैको बुझाई छ । यी दुई फिल्मपछि नेपाली फिल्म ‘द लास्ट किस’ को चर्चा पनि निक्कै चल्यो । चलचित्रमा नायिका सोभिता सिंखडाले चुम्बनका दृश्य प्रसस्तै दिएकी छिन् । यो चलचित्रमा त्यस्ता कैयौँ दृश्य रहेका छन् जहाँ चुम्वन र संवाद निक्कै भद्दा लाग्छन् । 

पछिल्लो समयमा नेपाली चलचित्रमा बढ्दै गएको छाडापन र अश्लीलतालाई चलचित्र एटीएमले सबैभन्दा बढी प्रयोग गरेको छ । निर्माण भएका अधिकांश चलचित्रमा अश्लील शब्द र छाडा दृश्य समावेश गर्न थालिएको छ । यि दृश्य र संवाद हेर्दा निलो चलचित्रको झल्को दिने भनाइ ती चलचित्रका निर्माता निर्देशककै छ । भर्खरै मात्रै टेलिभिजन च्यानल र अनलाइनमा प्रोमो प्रसारण भइरहेको चलचित्र एटीएमले यसको हदै नाघेको छ । चलचित्रका तीन नायिका जिया केसी, सविना कार्की र सोनिया शर्मालाई समेत अश्लील बोल्न लगाइएको छ भने यौन क्रियाकलापका दृश्य पनि प्रशस्तै छ । जहाँ, सिनेमाको सिद्धान्त भन्दा पनि नायक र नायिकाको रोमान्स मात्र समावेश गरिएको छ । हुनत, हरेक सिनेमामा नायक र नायिकाको रोमान्स सामान्य हो । तर चलचित्र एटीएमको प्रोमोमा नायकले नायिकाको प्रष्ट वक्षस्थलमा समातेको, नायिकाको भित्री कपडा खोलेको र चुम्बन गरेको दृश्य समेत समावेश गरिएको छ । सफ्ट पोर्न फिल्मको संज्ञा दिइएको यस चलचित्रलाई सेन्सर बोर्डमा लगिएको त छैन । सेन्सर बोर्डले पक्कै यसमा अंकुश त लगाउने छ तर चलचित्र अवधिभर नै यस्तै दृश्य समावेश गरिएको रहेछ भने कति मात्रै काटेर साध्य लाग्छ र ? सेन्सर बोर्डमा पुगिसकेर बोर्डले काँटछाँट गर्नु एउटा कुरा हो । यस्ता दृश्य खुलमखुलारुपमा खिच्दा कम्तिमा पनि कतैबाट त रोक लाग्नुपथ्र्यो । सेन्सर बोर्डकै एक सदस्यका अनुसार  सेन्सरले दृश्य सम्पादन गर्न भने पनि यस्ता दृश्य हलमा भने नकाटीकनै देखाउने गरिएको पाइन्छ । एटीएमबाहेक हाल निर्माणमा रहेका धेरैजसो चलचित्रलाई यौनकेन्द्रित गरिएको छ भने अश्लीलताले हद नाघ्न थालेको छ । प्ले गर्ल, जंगल क्वीन, नाइट क्वीन, डर्टी लभजस्तै थुप्रै चलचित्रमा उत्तेजक दृश्य राखेर दर्शकलाई आकर्षित गर्ने कोसिस गरिएको छ । 

http://ads.clicksor.com/showAlter.php?pid=271743&sid=440248&img=1&adtype=8&cbor=%2399CC33&cbg=%23FFFFFF&clink=%23000000&ctxt=%23666666 पछिल्लो चरणमा बनेका यस्ता चलचित्रका निर्माता, निर्देशकले नयाँ युवा पिढीँ र प्रेम–रोमान्स मन पराउने दर्शकको माग बमोजिम दृश्य राखिएको बताउँदै गर्दा युवाको भावना बुझेर फिल्म बनाउँछु भन्ने हो भने निर्देशकले अब पोर्न फिल्म बनाउनुपर्ने हुन्छ, किनकि युवा त्यहि माग गर्छ । अझ उनीहरू हलमै गएर यस्तै अश्लिल फिल्म हेर्न मन पराउलान् । के अब त्यस्तै फिल्म बनाउने ? मुख्य कुरा समाज हो । चलचित्र समाजको ऐना पनि हो । मनोरञ्जनको माध्यम मात्रै नभई चलचित्र र सिनेजगतको सामाजिक उत्तरदायित्व पनि हुन्छ । आफूले पस्किएको सामाग्रीले समाजलाई कुन दिशातर्फ धकेल्छ भन्ने प्रश्न मुख्य हो । दर्शकले त जस्तो सामाग्री आएपनि पचाउँछन् र रमाउँछन् । तर ती सामाग्री हेरेका दर्शकले समाजमा कस्तो भूमिका निर्वाह गर्लान ? यतातिर ध्यान जानुपर्छ होइन र ?